کوردپرێس:
وه‌زاره‌تی به‌رگریی عێراق له لاپه‌ڕه‌ی فه‌رمیی خۆی له تۆڕی كۆمه‌ڵایه‌تیی فه‌یسبووکدا بڵاوی كرده‌وه که هێزه‌كانی فیرقه‌ی 14ی سوپای عێراق به هاوكاریی هێزه‌كانی هاوپه‌یمانیی نێوده‌وڵه‌تیی دژی داعش و پاڵپشت به زانیاریی هه‌واڵگری توانیویانه له گوندی (ئه‌لسه‌مه‌ر)ی سه‌ر به شارۆچكه‌ی مه‌خموور 6 تیرۆریستی داعش بكوژن كه دوو له كوژراوه‌كان سه‌ركرده بوون.
وه‌زاره‌تی به‌رگریی عێراق ئه‌وه‌شی خستووه‌ته‌ڕوو که له‌و هه‌ڵمه‌ته‌دا توانیوانه ژماره‌یێكی زۆر چه‌ک و ته‌قه‌مه‌نی تیرۆریستان له ناو ببه‌ن و هه‌ڵمه‌ته‌كه‌شیان به‌رده‌وام ده‌بێت.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment