بەپێی هەواڵی کوردپرێس، تیمی پارێزەرانی خۆبەخشی سزادراوانی بادینان، ئەمڕۆ سێشەممە، لە راگەیەندراوێكدا كە ئاڕاستەی ڕای گشتی، لایەنە پەیوەندیدارەکان، یۆنامی و کونسڵگەری و نێردە دیپلۆماتیەکانی كردووە دەڵێت: "باری تەندروستی سزادراوانی مانگرتووی چاکسازی هەولێر بە گشتی و شیلادزێ بەتایبەت بەرەو خراپی و ترسناکی دەچێت".

تیمی پارێزەرانی خۆبەخشی سزادراوانی بادینان دەشڵێت: "داوا دەکەین بەهانایانەوە بچن و خەریکە نزیکی مەرگ دەبنەوە."

بەپێی راگەیەندراوەكە "ئەمڕۆ ١٣ کەسی تر لە ئاسایشی گشتی هەولێر مانیان گرتووە بەهۆی ئەوەی کە سێ ساڵ و سێ مانگە ڕاگیراون دادگایی ناکرێن".