کوردپرێس: شانده‌كه به سه‌رۆكایه‌تیی مه‌سروور بارزانی و به به‌شداریی قوباد تاڵه‌بانی جێگری سه‌رۆكی حكوومه‌ت و وه‌زیری ناوخۆی هه‌رێمی كوردستان رێبه‌ر ئه‌حمه‌د و ژماره‌یێک له وه‌زیره‌كانی كابینه‌ی نوێی حكوومه‌تی هه‌رێم ده‌بێت.
شانده‌كه سه‌ردانی هه‌ریهک له به‌رهه‌م ئه‌حمه‌د ساڵح، سه‌رۆكی كۆماری عێراق و محه‌مه‌د حه‌لبووسی، سه‌رۆكی ئه‌نجوومه‌نی نوێنه‌ران و عادل عه‌بدولمه‌هدی سه‌رۆک وه‌زیرانی عێراق ده‌كات.
ئه‌و شانده به مه‌به‌ستی پیشاندان و ده‌ربڕینی نیازپاكیی حكوومه‌تی هه‌رێمی كوردستان بۆ چاره‌سه‌ركردنی كێشه هه‌ڵپه‌سێردراوه‌كانی نێوان هه‌ولێر و به‌غدا سه‌ردانی به‌غدا ده‌كات و سه‌ردانێكی دۆستانه ده‌بێت.
رۆژی 10ی ته‌مموز سه‌رۆكی حكوومه‌تی هه‌رێمی كوردستان له راگه‌یاندنی هێڵه گشتییه‌كانی كارنامه‌ی حكوومه‌ته‌كه‌یدا رایگه‌یاندبوو، كه چاره‌سه‌ركردنی كێشه‌كانی نێوان هه‌ولێر و به‌غدا له پێشینه و خاڵی گرنگی كارنامه‌كه‌ی ده‌بێت.
کۆدی هەواڵنێر: 60113
Your Comment