بەپێی هەواڵی کوردپرێس ڕۆژی 18ی پووشپەڕ بەرانبەر بە 8ی تەمووزی 2019 نەخۆشخانەی قودسی شاری پاوە کرایەوە کە 104 قەرەوێڵە لە خۆ دەگرێت و بڕی 65 ملیار تمەنی تێدا سەرف کراوە.

کرانەوەی نەخۆشخانەی قودس لە کاتێکدایە نەخۆشخانەی کۆنی پاوە ساڵی 1348 بەرانبەر بە 1969 کرابوویەوە کە 70 قەرەوێڵەیی بوو و لە ڕووبەرێکی 21 هەزار مەتری چوارگۆشەدا بینا کرابوو.

ڕووبەری نەخۆشخانە نوێیەکە 9 هەزار 500 مەتری چوارگۆشەیە و لە 5 قاتدا کراوەتەوە کۆی ڕووبەری نەخۆشخانەکە 14 هەزار مەتری چوارگۆشەیە.