کوردپرێس:

ئه‌مڕۆ شه‌ممه‌ 6ی ته‌مووزی 2019 په‌رله‌مانی کوردستان کۆبوونه‌وه‌ی یاسایی خۆی ئه‌نجامدا و له‌ سه‌ره‌تای ده‌ست پێکردنی کۆبوونه‌وه‌که‌ د. ڤالا فه‌رید سه‌رۆکی په‌رله‌مانی کوردستان ئیدانه‌ی بۆردومانی ناوچه‌ سنوورییه‌کانی کرد و ڕایگه‌یاند: "ئیدانه‌ی بۆردومانه‌کان ده‌که‌ین و به‌ گوێره‌ی ده‌ستووری عێراق، حکوومه‌تی عێراق به‌رپرسه‌ له‌ پاراستنی سنووره‌کانی هه‌رێمی کوردستان."

ناوبراو ڕاشیگه‌یاند: "داوا له‌ حکوومه‌تی عێراق ده‌که‌ین به ‌ئه‌رکی خۆی بۆ پاراستنی سنووره‌کان هه‌ڵبستێت و قه‌ره‌بووی زیانلێکه‌وتووانیش بکاته‌وه‌."

پێشتریش حکوومه‌تی هه‌رێمی کوردستان داوای کردبوو په‌که‌که‌ باره‌گاکانی له‌ گونده‌کان دوور بخاته‌وه‌ تاکوو به‌هۆی جه‌نگی نێوان سوپای تورکیا و گه‌ریلاکانی په‌که‌که‌، هاووڵاتییانی ناوچه‌ سنوورییه‌کان نه‌بنه‌ قوربانی.

سه‌رچاوه‌: میدیاکانی هه‌رێمی کوردستان

کۆدی هه‌واڵنێر: 60103