به‌پێی هه‌واڵی کوردپرێس، پارێزگاریی جۆله‌مێرگ له به‌یاننامه‌یێکدا ڕای‌گه‌یاند: له ناوچه‌ی "عه‌سه‌ن ده‌ڕه"ی سه‌ر به جۆله‌مێرگ کۆبوونه‌وه‌یێکی ئه‌منی له نێوان به‌رپرسانی ئێران و تورکیا سه‌باره‌ت به پاراستنی سنووره‌کانی نێوان دوو وڵات ئه‌نجام دراوه.
له به‌یاننامه‌که‌ی پارێزگاریی جۆله‌مێرگدا هاتووه: له کۆبوونه‌وه‌ی پاراستنی سنووره‌کانی ئێران- تورکیا ئێدریس ئاک بیک پارێزگاری جۆله‌مێرگ و سه‌رهه‌نگ عه‌لی عه‌لیپوور فه‌رمانده‌ی هه‌نگی سنووریی ورمێ ئاماده بوون که له کۆبوونه‌وه‌که‌دا ئاسایشی سنووره‌کانی دوو وڵات، ئاڵوگۆڕی بازرگانی و پێشنیاره‌کانی دوو لایه‌ن بۆ چاره‌سه‌رکردنی کێشه‌کان خرایه به‌ر باس و لێکدانه‌وه.
له کۆتاییی کۆبوونه‌وه‌که‌دا ڕێککه‌وتننامه‌یێک له نێوان دوو لایه‌ن بۆ پاراستنی سنووره‌کانیان واژۆ کرا.
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
Your Comment