کوردپرێس:
پاش گۆڕانکارییه‌کانی ئه‌مدواییه‌ی شاری ستراتێژیکی ئیدلب، ئاستی هێرشی هێزه‌کانی سوپای سووریا بۆ سه‌ر بنکه‌ی تورکیا له‌و شاره به‌رز بۆته‌وه به‌م بۆنه‌وه سوپای تورکیا ده‌ستی دا به جووڵاندنی هێزی کۆماندۆ به‌ره‌و سنووره‌کانی سووریا.
به گوێره‌ی ئه‌و زانیارییانه‌ی له ئه‌رکانی فه‌رمانده‌ییی هێزی چه‌کداری تورکیا ده‌ست که‌وتووه، سه‌رله‌به‌یانیی ئه‌مڕۆ یه‌کشه‌ممه 30ی حوزه‌یرانی 2019 سوپای تورکیا کاروانێکی سه‌ربازیی پێکهاتوو له هێزی کۆماندۆ و ئۆتۆمبێلی زرێپۆشی ڕه‌وانه‌ی پارێزگای هاتای کردووه و دواتر کاروانه سه‌ربازییه‌که له‌و پارێزگایه‌وه به‌ره‌و ناوچه‌ی کریکخان و حاسا تێپه‌ڕیوه و له سنووری سووریا جێگیر بووه.
شایانی باسه؛ چه‌ند ڕۆژ پێش ئێستا بنکه‌ی ده‌یه‌می سوپای تورکیا له ئیدلب کرایه ئامانج که یه‌ک کوژراو و 3 برینداری لێکه‌وته‌وه و دوای هێرشه‌که سوپای تورکیا ده‌ستی دا به جووڵاندنی کاروانێکی سه‌ربازیی دیکه بۆ سنووره‌کانی باشووری تورکیا.
سه‌رچاوه: هه‌واڵده‌ریی هابر 7
کۆدی هه‌واڵنێر: 60103
Your Comment