به‌پێی هه‌واڵی کوردپرێس، سه‌رگورد حسێن مێهرپه‌روه‌ر ڕای‌گه‌یاند: ئه‌مڕۆ شه‌ممه‌ 1ی پووشپه‌ڕ به‌رانبه‌ر به‌ 22ی حوزه‌یران له‌ جاده‌ی گوندی مه‌حمووده‌ی سه‌ر به‌ قه‌زای ساراڵی دیوانده‌ره دوو‌‌ ئۆتۆمبێلی جۆری په‌یکان و ئۆتۆمبێلێکی جۆری ئه‌پڵ لێکیان دا.

ناوبراو وتیشی: له‌ ڕووداوه‌که‌دا سێ که‌س بریندار بوون که‌ له‌لایه‌ن هێزه‌کانی فریاکه‌وتنه‌وه‌ ڕه‌وانه‌ی نه‌خۆشخانه‌ی ئیمام خومه‌ینی (ره‌) دیوانده‌ره‌ کران به‌ڵام یه‌ک له‌ برینداران به‌هۆی سه‌خت بوونی برینه‌کانی گیانی له‌ده‌ست دا.

سه‌رۆک پۆلیسی ڕێگاوبانی دیوانده‌ره‌ هۆکاری ڕووداوه‌که‌ بۆ سه‌رنجنه‌دانی پێشه‌وه‌ی جاده‌ و کۆنتڕۆڵ‌نه‌کردنی ئۆتۆمبێل له‌لایه‌ن شۆفێره‌وه‌ ده‌گه‌ڕێنێته‌وه‌.

کۆدی هه‌واڵنێر: 60103