بەپێی هەواڵی کوردپرێس، بڕیارە دادگاى باڵاى فیدراڵى لەبارەى سکاڵاکەوە کۆببێتەوە، کە لەلایەن سەرۆکى ژوورە بازرگانییەکانى عێراقەوە تۆمارکراوە لە دژى رێواز فایەق، سەرۆکى پەرلەمانى کوردستان.
ناوەڕۆکی سکاڵاکە لەدژى هەموارى ماددەى چوارى یاساى یەکێتیی ژوورەکانى بازرگانی و پیشەسازی لە هەرێمى کوردستانە، کە لە ساڵى 2021 لەلایەن پەرلەمانى کوردستانەوە دەرکراوە.
بەگوێرەى هەموارى یاساکە لە هەرێمى کوردستان ئەگەر ناوى کۆمپانیایەک تۆماربکرێت بەوپێیەى ناچێتە سیستمى تۆمارى ژوورە بازرگانییەکانى عێراق رەنگە بە هەمان ناوەوە کۆمپانیایەکى دیکە لە ناوەند تۆمار بکرێت.
Your Comment