کوردپرێس: له‌وباره‌یه‌وه سۆمریە نیووز بڵاوی كردوه‌ته‌وه، كه پێكدادانه‌كه له هه‌ردوو گوندی په‌ڵكانه و شۆراوی سه‌ربه قه‌زای خورماتووو بوه و چه‌كدارانی داعش په‌لاماری سه‌نگه‌ره‌كانی پێشمه‌رگەیان داوه.
له‌لایێكی دیكه‌وه سه‌رچاوه‌یێكی ئه‌منی رایگه‌یاند چه‌كدارانی داعش هێرشیان كردوه‌ته‌سه‌ر كێڵگه‌ی عه‌لاس له پارێزگای سه‌ڵاحه‌دین و ئه‌ندامێكی هێزه ئه‌منییه‌كان كوژراوه و پێنج-ی دیكه‌ش بریندار بوون.
سه‌باره‌ت به شه‌ڕه‌كه‌ش، عه‌لی هاشم ئه‌لحوسێنی وته‌بێژی حه‌شدی شه‌عبی له باكووری عێراق رایگه‌یاندووه: هێرشه‌كه له‌لایه‌ن چه‌كدارانی داعشه‌وه كراوه‌ته سه‌ر هێزی پێشمه‌رگه و فڕۆكه‌كانی هاوپه‌یمانانیش به‌ده‌نگ هێزه‌كانی پێشمه‌رگه‌وه چوون و چه‌كداره‌كانی داعشیان بۆردوومان كردووه.
هه‌روه‌ها سه‌رچاوه‌كه وتی: "ژماره‌یێكی زۆر له چه‌كداره‌كانی داعش له به‌رپه‌رچدانه‌وه‌ی هێرشه‌كه‌دا كوژراون و ئه‌وانی دیكه‌ش پاشه‌كشێیان كردووه".
کۆدی هەواڵنێر: 60113
Your Comment