به‌پێی هه‌واڵی کوردپرێس، عه‌باس محه‌مه‌د سه‌رۆکی فراکسیۆنی کۆمه‌ڵ له ئه‌نجومه‌نی پارێزگای هه‌ولێر له کۆنگره‌یێکى ڕۆژنامه‌وانیدا وازهێنانی له حزبه‌که‌ی ڕاگه‌یاند و هۆکاره‌که‌شى بۆ "لادان له بنه‌ما شه‌رعییه‌کان و ئه‌نجامى هه‌ڵبژاردنه ناوخۆییه‌کانى حزبه‌که‌ى" گه‌ڕانده‌وه.
ناوبراو باسی له‌وه کرد که ده‌چێته پاڵ ئه‌و سێ به‌رپرس و 70 کادیره‌ى کۆمه‌ڵ که له‌م ماوه‌یه‌دا وازیان له‌و حزبه هێناوه که به وته‌ى خۆى "کۆمه‌ڵ له به‌رانبه‌ریان بێ باک بووه".
عه‌باس محه‌مه‌د وتیشى: هۆکارى ده‌ستله‌کارکێشانه‌وه‌ى په‌یوه‌ندى هه‌یه به ناچارکردنى ستافى هه‌ڵبژێردراوى مه‌ڵبه‌ندى هه‌ولێرى کۆمه‌ڵ به ده‌ستله‌کارکێشانه‌وه له کاتێکدا له هه‌ڵبژاردنى ناوخۆییدا سه‌رکه‌وتنیان به‌ده‌ست هێنابوو، له‌گه‌ڵ لادانى کۆمه‌ڵ له "بنه‌ما شه‌رعییه‌کان و نه‌بوونى دادگه‌ریی".
شایای باسه؛ له نیسانى ئه‌مساڵدا سێ ئه‌ندامى سه‌رکردایه‌تیى کۆمه‌ڵ وازهێنان له پۆسته‌کانیان ڕاگه‌یاند، دواتریش چه‌ندین که‌سى دیکه‌ى ئه‌و حزبه له سنوورى هه‌ولێر ده‌ستیان له کار کێشایه‌وه.
سه‌رچاوه: هاوڵاتی
کۆدی هه‌واڵنێر: 60103
Your Comment