سه‌یید قاسم جاسمی نوێنه‌ری خه‌ڵکی کرماشان له‌ په‌رله‌مانی ئێران ئاماژه‌ به‌ بڕیاری ئه‌مدواییه‌ی ئه‌مریکا ده‌کات بۆ خستنه‌ لیستی تیرۆری سوپای پاسداران و ده‌ڵێت: ئه‌مه‌ ده‌رئه‌نجامێکی ساده‌یه‌، چ که‌سێک هۆکاری ڕوودانی ڕووداوه‌کانی هیرۆشیما و ڤیتنام و ئه‌فغانستان و عێراقه‌؟! هه‌مووان ده‌زانن که‌ ویلایه‌ته‌ یه‌کگرتووه‌کانی ئه‌مریکا هۆکاری سه‌ره‌کیی ناسه‌قامگیریی جیهانه‌.

ناوبراو گوتیشی: بڕیاره‌که‌ی ئه‌مریکا ته‌نها له‌لایه‌ن ڕژێمی زایۆنییه‌وه‌ په‌سه‌ند کراوه‌ و هیچ وڵاتێک پشتیوانی له‌و بڕیاره‌ی ئه‌مریکا نه‌کردووه‌ چوونکه‌ له‌ بنه‌ڕه‌تدا به‌ تیرۆریست ناساندنی سوپای وڵاتێک پێشێل‌کردنی یاسا و ڕێسا نێوده‌وڵه‌تییه‌کانه‌.

جاسمی ڕاشی‌گه‌یاند: ئه‌مریکا به‌و بڕیاره‌ تووشی هه‌ڵه‌یێکی ستراتێژیک ده‌بێت چوونکه‌ ده‌ستی کۆماری ئیسلامیی ئێران بۆ به‌ره‌نگاربوونه‌وه‌ی تیرۆریزم ئاوه‌ڵاتر ده‌کاته‌وه‌.

ئه‌ندامی کۆمیسیۆنی ئاسایشی نه‌ته‌وه‌یی و سیاسه‌تی ده‌ره‌وه‌ جه‌ختی کرده‌وه‌: هه‌میشه‌ سوپای پاسداران بۆ به‌ره‌نگاربوونه‌وه‌ی تیرۆریزم پێشه‌نگ بووه‌ و گیانفیداییه‌کانی ئه‌وان له‌ عێراق و سووریا و به‌ره‌نگاربوونه‌وه‌ی داعش و دیکه‌ی گرووپه‌ تیرۆریستییه‌کان پیشانده‌ری ئه‌و ڕاستییه‌یه‌.

جاسمی ڕاشی‌گه‌یاند: بڕیاره‌که‌ی ئه‌مریکا جۆرێک گه‌مژه‌ییه‌ و له‌ قۆناغی یه‌که‌مدا واشنتۆن به‌ره‌وڕووی زه‌ره‌ر ده‌بێته‌وه‌ و زیاتر له‌ ڕابردووشدا ناکۆکییه‌کانی نێوان دوو لایه‌ن قووڵتر ده‌کاته‌وه‌.

کۆدی هه‌واڵنێر: 60103