کوردپرێس:
په‌یمانگه‌ی ته‌کنیکی تایبه‌تی ئاینده له هه‌ولێر به دانانی سندوقێک له ناو باڵه‌خانه‌ی په‌یمانگاکه‌یان هه‌ڵمه‌تی کۆکردنه‌وه‌ی کۆمه‌کی بۆ لێقه‌وماوانی لافاو له پارێزگاکانی کرماشان و لوڕستانی ئێران ڕاگه‌یاند.
په‌یمانگای ته‌کنیکی تایبه‌تی ئاینده له هه‌ولێر له په‌یجی فه‌رمی خۆیان له تۆڕی کۆمه‌ڵایه‌تیی فه‌یسبووکدا بڵاویان کرده‌وه که په‌یمانگه‌که‌یان بانگه‌وازی قوتابیان و خه‌ڵکی هه‌رێمی کوردستان ده‌کات به ڕۆحیه‌تی هاوکاری و خێرخوازییه‌وه و به‌پێی توانای دارایییان به‌شداری له هه‌ڵمه‌تی کۆکردنه‌وه‌ی کۆمه‌ک بۆ لێقه‌وماوانی لافاوه‌که‌ی کرماشان و لوڕستان بکه‌ن.
ئاماژه‌شیان بۆ ئه‌وه کردووه ته‌نانه‌ت ئه‌گه‌ر به 250 دیناریش بێت بۆ لێقه‌وماوان زۆر ده‌کات و له ڕه‌وشێکی زۆر خراپدان، یان هه‌وڵی سه‌ربه‌خۆ بده‌ن بۆ کۆکردنه‌وه‌ی کۆمه‌ک بۆ لێقه‌وماوان و هاوکاری کردنیان.
شایانی باسه که له شاری سلێمانییش که‌مپه‌ینێک بۆ هاوکاری کردنی خه‌ڵکی زیانلێکه‌وتووی لافاوه‌که‌ی لوڕستان و کرماشان ڕاگه‌یێندرا که بۆ ماوه‌ی یه‌ک هه‌فته به‌رده‌وام ده‌بێت.
کۆدی هه‌واڵنێر: 60103
Your Comment