بەپێی هەواڵی کوردپرێس، سه‌باره‌ت به لێدوانی گوته‌بێژی وه‌زاره‌تی ده‌ره‌وه‌ی ئه‌مریكا له‌باره‌ی پرۆسه‌ی هه‌ڵبژاردنی شاره‌وانیه‌كانی توركیا كه له 31ی ئادار به‌ڕێوه‌چوو، عومه‌ر چه‌لیک رایگه‌یاند: "هیچ ئۆرگان یان لێدوانی هیچ ده‌وڵه‌تێكی بیانیی سه‌رچاوه‌ی شه‌رعیه‌تی ئه‌نجامه‌كانی پرۆسه‌ی هه‌ڵبژاردنی توركیا نییه".
چه‌لیک لە کۆنگرەیێیکی رۆژنامەوانیدا کە لە ئەنقەرە بۆی رێکخرابوو، بانگه‌وازێكی ئاڕاسته‌ی ئه‌و نوێنه‌رانه‌ی كۆنگرێسی ئیداره‌ی ناوچه‌یی و ناوخۆیی كۆنسه‌ی ئه‌ورووپا كرد كه بۆ هه‌ڵبژاردنه‌كان سه‌ردانی توركیایان كردبوو و رایگه‌یاند: "ئه‌و میكانیزمانه‌ی مافی ده‌ست گه‌یشتن به زانیاری و پێدانی زانیاریانه‌ی بۆ ئێوه‌مان ده‌سته‌به‌ركردبوو له هیچ شوێنێكی جیهان هێنده چالاک و هێنده به‌هێز نییه".
سه‌باره‌ت به ئه‌نجامی هه‌ڵبژاردنه‌كه، عومه‌ر چه‌لیک رایگه‌یاند: "هاووڵاتیانمان ده‌سه‌ڵات بده‌نه كێ، مۆری شاره‌وانی ده‌درێته ئه‌و كه‌سه. ئه‌و بڕیاره‌یش دامه‌زراوه‌ی باڵای هه‌ڵبژاردن ده‌یدات".
ناوبراو گوتیشی: "پاراستنی شكۆی دامه‌زراوه‌ی باڵای هه‌ڵبژاردن ئه‌ركی هاوبه‌شی هه‌موومانه، با واز بهێنین دامه‌زراوه‌ی باڵای هه‌ڵبژاردن كاره‌كه‌ی بكات، با یاسا كار بكات و رێز له ئه‌نجامه‌كه بگرین".
هاوكات له‌باره‌ی كڕینی S400 له رووسیا، عومه‌ر چه‌لیک رایگه‌یاند: "داواکردن له توركیا بۆ پاشگه‌زبوونه‌وه له رێككه‌وتنێک كه ته‌واوبووه، بێ رێزییه به‌رامبه‌ر مافه‌كانی سه‌روه‌ری توركیا".
هه‌روه‌ها سه‌باره‌ت به لێدوانه‌كانی جێگری سه‌رۆكی ئه‌مریكا له‌باره‌ی ئه‌ندامێتی توركیا له ناتۆ، چه‌لیک رایگه‌یاند: "نه‌مانتوانی سه‌رسوڕمانمان بشارینه‌وه به‌رامبه‌ر هه‌ڵوێستێكی بێ ئاگایانەی كه توركیا تۆمه‌تبار ده‌كات".
کۆدی هەواڵنێر: 60113
Your Comment