بەپێی هەواڵی کوردپرێس، سه‌رۆک وه‌زیرانی هه‌رێمی كوردستان سوپاسی ئه‌و سه‌ردانه‌ و هاوكارییه‌ به‌رده‌وامه‌كانی ئه‌مه‌ریكای بۆ هه‌رێمی كوردستان و عێراق له‌ كاته‌ سه‌خته‌كان و له‌ بواره‌كانی سه‌ربازی و مرۆییدا كرد و تیشکی خسته‌ سه‌ر باشتربوونی په‌یوه‌ندییه‌كانی نێوان هه‌ولێر ـ به‌غدا و پشتیوانیی هه‌رێمی كوردستانی بۆ عادل عه‌بدولمه‌هدی سه‌رۆک وه‌زیرانی عێراق و چاره‌سه‌ركردنی كێشه‌كان به‌ ڕێگه‌ی دیالۆگ دووپات کرده‌وه‌.

له‌ به‌شێكی دیكه‌ی دیداره‌كه‌دا هه‌ردوولا جه‌ختیان له‌ ڕۆڵی هێزه‌کانی ئه‌مه‌ریکا و هاوپه‌یمانیی نێوده‌وڵه‌تی له‌ عێراق و پێویستی و گرنگیی مانه‌وه‌یان له‌م قۆناغه‌دا بۆ گه‌ڕاندنه‌وه‌ی سه‌قامگیری و ڕووبه‌ڕووبوونه‌وه‌ی مه‌ترسیی سه‌رهه‌ڵدانه‌وه‌ی تیرۆر کرده‌وه‌، هه‌روه‌ها پێویستیی هاوبه‌شیی نێوان عێراق و ئه‌مه‌ریكا، مامه‌ڵه‌كردن له‌گه‌ڵ قۆناغی دوای شه‌ڕی داعش، گه‌ڕانه‌وه‌ی ئاواره‌ و په‌نابه‌ران، ئاوه‌دانكردنه‌وه‌ی شوێنه‌ زیانبه‌ركه‌وتووه‌كان و پشتیوانیی كۆمه‌ڵگه‌ی نێوده‌وڵه‌تی له‌مباره‌یه‌وه‌، تاوتوێ کرا.

سەرچاوە: میدیاکانی هەرێمی کوردستان

کۆدی هەواڵنێر: 60113