بەپێی هەواڵی کوردپرێس، فراکسیۆنی نەوەی نوێ لە پەرلەمانی عێراق لە بەیاننامەیێکدا رایگەیاند: لە ١٩ی شوباتی ٢٠١٩ حکوومەتی هەرێم بێ ئاگاداریی پەرلەمانی کوردستان، ڕێککەوتنێکی ٢٠ ساڵەی لەگەڵ کۆمەڵەی کۆمپانیاکانی پیرڵ پترۆڵیۆم، کە دانە غاز پێکھێنەری سەرەکییەتی، واژۆ کردووە، ناوەڕۆکی ئەو ڕێککەوتنەش وەک گرێبەست و ڕێککەوتنەکانی پێشوویان لێڵ و تەماوین، بۆیە ھیوادارن چاککارییەکانی حکوومەتی عێراق لە دۆسیەی نەوت و گاز ھەرێمی کوردستانیش بگرێتەوە.
فراکسیۆنەکە ئاماژەی بەوەش کردووە، دەبێت هەڵمەتی ڕووبەڕووبوونەوەی گەندەڵی هەرێمی کوردستانیش بگرێتەوە، چوونکە نەوت و گاز سەرچاوەی سەرەکیی بوودجەی هەرێم و عێراقە و ئەو سامانە سروشتییەش موڵکی ھەموو گەلی عێراقە، ڕەوا نییە بۆ قازانجی چەند خێزان و باندێکی سیاسیی دەستڕۆیشتوو بەکاربهێنرێت.
داواش کراوە، حکوومەتی عێراق دەسەڵاتی دەستووری و نیشتیمانی خۆی بەکاربھێنێت بۆ فشارخستنە سەر ئەو کۆمپانیایانەی کە ڕێککەوتنی لێڵ و تەماوی لە بواری نەوت و گازدا لەگەڵ حکوومەتی ھەرێم دەکەن.
کۆدی هەواڵنێر: 60113
Your Comment