به‌پێی هه‌واڵی کوردپرێس، هه‌واڵنێری ماڵپه‌ڕی هه‌واڵی "ئێزدی 24" له‌ به‌ره‌ی پێشه‌وه‌ی شه‌ڕی دژ به‌ داعش له‌ شارۆچکه‌ی باغۆزی سه‌ر به‌ پارێزگای دێره‌زووری سووریا ڕای‌گه‌یاند: دوانیوه‌ڕۆی ڕۆژی چوارشه‌ممه‌ 6ی ئاداری 2019 شه‌ڕڤانانی هێزه‌کانی سووریای دیموکرات له‌ چوارچێوه‌ی هێرشه‌كانیاندا بۆ گوندی باغۆز -كه‌ كۆتامۆڵگه‌ی پاشماوه‌كانی چه‌كدارانی داعشه‌- توانییان ژنێک و 14 منداڵی ئێزیدی هاووڵاتی شه‌نگال ڕزگار بكه‌ن كه‌ له‌ كاتی هێرشه‌كانیان بۆ ئه‌و ناوچه‌یه‌ له‌ مانگی ئه‌گێستی ساڵی 2014دا له‌لایه‌ن چه‌كدارانی داعشه‌وه‌ ڕفێندرابوون.

ئه‌و هه‌واڵنێره‌ ڕاشی‌گه‌یاند: دوای ڕزگارکردنی ئه‌و هاووڵاتییه‌ ئێزدییانه‌ له‌ ناوچه‌ی باغۆز ڕاده‌ستی ماڵی ئێزدی ده‌کرێن له‌ هه‌رێمی جزیره‌ بۆ ئه‌وه‌ی په‌یوه‌ندی به‌ که‌سوکاریانه‌وه‌ بکرێت و بگه‌ڕێندرێنه‌وه‌ بۆ شه‌نگال.

کۆدی هه‌واڵنێر: 60103