کوردپرێس:

سولەیمان سۆیلۆ وەزیری ناوخۆی تورکیا سەردانی ئیزمیری کردبوو و لەو شارە وتارێکی پێشکەش کرد و لە وتەکانیدا کۆمەڵێک تۆمەتی خستە پاڵ پارتی دیموکراتیکی گەلان و ئیدعای کرد ئەو حیزبە باڵێکی گرووپی تیرۆریستییە.

ناوبراو زیادی کرد لە 15 شاری ئەو وڵاتەدا هەدەپە بۆ ئازداکرانی ئاپۆ لە زیندانی ئیمرالی وتار پێشکەش دەکەن. من بە نوێنەری خەڵکیان نازانم. بە نوێنەری پەکەکەیان دەزانم. کێ چی ئەڵێ با بیڵێ. هەدەپە باڵی گرووپێکی تیرۆریستییە.

سۆیلۆ ڕەخنەی توندیشی لە پەروین بوڵدان گرت و وتی: ئەو پەروین بۆڵدانەی بە ڕواڵەت زۆر میانەڕەو بوو زمانێکی زۆر ژەهراویی پێوەیە و لە دوایین لێدوانی خۆیدا وتوویەتی: دەچمە سەر سندووقی دەنگدان بۆ ئەوە تاج خەباتی 40 ساڵەم لە سەر بکەم." پێش 40 ساڵ چی ڕووی دا؟ دیارە پەکەکە لەو ساڵەدا دامەزرا. کێشەی ئێمە لەگەڵ ئەوەیە ئیرادەی پەکەکە بە سەر ئەم ناوچەیەدا بسەپێت. ئەمانە دەمامکیان بە دەموچاوی خۆیانەوە ناوە. دەیانەوێت لە خۆرهەڵات و باشووری خۆرهەڵاتی تورکیا پەکەکە حاکم بێت و لە ڕۆژئاوایش جەهەپە حوکم بکات.