به‌پێی هه‌واڵی کوردپرێس، هاکان فیدان سه‌رۆکی ده‌زگای هه‌واڵگریی نیشتیمانیی تورکیا (میت) که له کۆنفڕانسی ده‌زگای خوێندنی باڵای تورکیا له‌ژێر ناوی "هه‌ڵسه‌نگاندنی بابه‌ته‌کانی ئاسایشی ناوچه‌که" قسه‌ی ده‌کرد ئاماژه‌ی به گرنگیی ژیئۆستراتێژیک و ژیئۆپۆله‌تیکی تورکیا له ناوچه‌که کرد و ڕای‌گه‌یاند: له که‌شی ڕکابه‌ریی کلاسیکی ده‌وڵه‌تان له‌گه‌ڵ یه‌کتردا که پێشڕه‌وت و پێداویستیی ته‌کنۆلۆجیایی کارتێکه‌ری له‌سه‌ر بوووه نه‌زمێکی نێوده‌وڵه‌تیی نوێ دروست بوووه که تێیدا هه‌ندێکیان ده‌توانن هه‌ڕه‌شه له ده‌وڵه‌تان بکه‌ن و هه‌ندێک کار دژ به‌وان ئه‌نجام بده‌ن. له‌م ڕوووه‌وه گۆڕانکاری و قه‌یرانه‌کان له جوگرافیا جیاوازه‌کاندا کارتێکه‌ری له‌سه‌ر ئێمه داناوه هه‌ر بۆیه ده‌بێ وڵاته‌که‌مان به شێوه‌ی هاوبه‌ش به‌ره‌نگاری هه‌ڕه‌شه‌ی ناوخۆیی و ده‌ره‌کی، شه‌ڕی ده‌روونی، هێرشی سایبری و هه‌ڕه‌شه‌ی له‌و شێوه‌یه ببێته‌وه.
ناوبراو له درێژه‌ی لێدوانه‌کانیدا جه‌ختی کرد: ئه‌و گرووپه تیرۆریستییانه‌ی که سه‌ربه‌خۆیی، سه‌قامگیری و سه‌روه‌ریی وڵاته‌که‌مانیان کردۆته ئامانج، هه‌لقۆستنه‌وه له بۆشاییی ده‌سه‌ڵات له سووریا و عێراق ده‌که‌ن. ئه‌و گرووپه تیرۆریستییانه‌ی که ده‌یانه‌وێت ده‌وڵه‌ت بۆ خۆیان ڕێکبخه‌ن و هه‌وڵ ده‌ده‌ن کۆنتڕۆڵی ده‌وڵه‌تان به‌ده‌سته‌وه بگرن به شێوه‌یێکی به‌ربڵاو وه‌ک ئامێری زلهێزه‌کانی دیکه به‌کار ده‌هێندرێن. ئێمه ده‌بێ به شێوه‌ی به‌ربڵاو به‌ره‌نگاری هه‌ڕه‌شه‌ی ناوخۆیی و ده‌ره‌کی ببینه‌وه. تورکیا که جوگرافیایێکی چالاکی هه‌یه ده‌بێ له به‌رانبه‌ر هه‌ڕه‌شه و گوڕه‌شه سیاسی، ئه‌منی، ئابووری و سایبرییه‌کاندا ئاماده بێت و بۆ ئه‌و کاره‌ش ده‌بێ هاوکێشه جیهانی و ناوچه‌یییه‌کان به باشی ئانالیز بکرێت و پێشبینییه‌کان بۆ ئه‌نجامدانی گۆڕانکاری له بواره ستراتێژیکه‌کان له به‌رنامه دابنێت.
سه‌رچاوه: هه‌واڵده‌ریی هابر 7
کۆدی هه‌واڵنێر: 60103
Your Comment