بەپێی هەواڵی کوردپرێس، ماڵپەڕی سبەی بڵاوی کردەوە سەرچاوەیێک لە حکوومەتی عێراق رایگەیاندووە شەڕڤانانی هەسەدە 14 داعشی فەرەنسییان رادەستی هێزە ئەمنییەکان کردوەتەوە بە سەرپەرشتی هاوپەیمانێتی نێودەوڵەتی.
هاوکات ئاژانسی فرانس پرێس ئاماژەی بەوەکردووە، ئەو چەکدارانەی داعش لە عێراق جەنگاون و رووبەڕووی هێزە ئەمنییەکان بوونەتەوە و بەشداری شەڕەکانی بەشی رۆژئاوای موسڵیان کردوە و دواتر بەرەو سووریا هەڵاتوون، بەڵام لەلایەن شەڕڤانانەوە دەستگیرکراون و هەروەها پەیوەندییان بەو 231 چەکدارەی دیکەوە نییە کە رادەستی بەغدا کراونەتەوە.
هاوکات سەرچاوەیێکی دیکە لە حکوومەتی عێراقەوە ئاماژەی بەوەکردووە، کە ئەو داعشە فەرەنسییانە رەوانەی وڵاتەکەیان ناکرێنەوە و بەپێی یاساکانی عێراق لە ناوخۆی وڵات دادگایی دەکرێن.
کۆدی هەواڵنێر: 60113
Your Comment