به‌پێی هه‌واڵی کوردپرێس، نووسینگه‌ی تیرۆر و تاوانه ڕێكخراوه‌كان له سه‌رۆكایه‌تیی داواكاری گشتیی كۆماریی ئه‌سته‌نبۆڵ ڕای‌گه‌یاند: له چوارچێوه‌ی لێكۆڵینه‌وه له پێكهاته‌ی ڕێكخراوی تیرۆریستیی فه‌تحوڵڵاچی (فه‌تۆ) له نێو سوپای توركیادا فه‌رمانی ده‌ستبه‌سه‌ركردنی 295 سه‌ربازی هه‌میشه‌یی به پله‌ی جیاواز ده‌ركرا كه به مه‌به‌ستی په‌یوه‌ندیی كردن له نێو ڕێكخراوه‌كه‌دا ته‌له‌فۆنی جێگیریان به كار هێناوه و دوو عه‌مید، عه‌قیدێک، 8 ڕائید، 10 نه‌قیب و 81 عه‌ریفیان تێدایه كه له فه‌رمانده‌ییه جۆراوجۆره‌كانی سه‌ر به سوپا كار ده‌كه‌ن.
له دوای ده‌ركردنی فه‌رمانه‌كه و به مه‌به‌ستی ده‌ستبه‌سه‌ركردنی گومانلێكراوه‌كان، تیمه‌كانی ئاسایشی ئه‌سته‌نبۆڵ له 59 پارێزگا ئۆپه‌راسیۆنێكیان ده‌ست پێكرد كه ناوه‌نده‌كه‌ی له ئه‌سته‌نبۆڵه.
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
Your Comment