به‌پێی هه‌واڵی کوردپرێس، ڕه‌جه‌ب ته‌ییب ئه‌ردۆغان سه‌رۆک كۆماری توركیا له‌ میانی چاوپێكه‌وتنێكی له‌گه‌ڵ كه‌ناڵی (NTV) تورکیا ته‌ئكیدی كرده‌وه‌ ئه‌نقه‌ره‌ سووره‌ له‌سه‌ر كڕینی سیسته‌می مووشه‌كیی S-400 له‌ ڕووسیا.

ناوبراو ڕاشیگه‌یاند: ئه‌و بابه‌ته‌ پڕۆژه‌یێكی گه‌وره‌ی توركیایه‌ بۆ به‌هێزكردنی سیسته‌می به‌رگریی مووشه‌كیی خۆی و هیچ فشارێكی ده‌ره‌كیش كاریگه‌ری له‌سه‌ر ئه‌و بڕیاره‌ نابێت.

سه‌رۆک کۆماری تورکیا وتیشی: توركیا ئه‌ندامی هاوپه‌یمانیی باكووری ئه‌تڵه‌سی (ناتۆ)یه‌ بۆیه‌ هه‌موو كات پابه‌ندی یاسا و ڕێساكانی ئه‌و هاوپه‌یمانێتییه‌ بوووه ‌و پێویسته‌ سیسته‌می به‌رگریی خۆی په‌ره‌ پێبدات.

جێگای باسه؛‌ پێشتر ویلایه‌ته‌كگرتوووه‌كانی ئه‌مریكا هۆشداری دایه‌ توركیا له‌ كڕینی سیسته‌می به‌رگریی مووشه‌كیی S-400 له‌ ڕووسیا و ئه‌وه‌ی ڕاگه‌یا‌ندبوو له‌ ئه‌گه‌ری جێبه‌جێ كردنی ئه‌و بڕیاره‌، ئه‌مریكا فشاره‌كانی له‌سه‌ر توركیا توندتر ده‌كات و فڕۆكه‌ی جه‌نگی جۆری F16 به‌ تورکیا نافرۆشێت.

کۆدی هه‌واڵنێر: 60103