کوردپرێس:

بەگوێرەی ئەو زانیارییانەی لە وەزارەتی بەرگریی تورکیاوە دەست کەوتوون خلووسی ئاکار وەزیری بەرگریی ئەو وڵاتە بە مەبەستی بەشداری کردن لە دانیشتنی وەزیرانی بەرگریی وڵاتانی ئەندامی ناتۆ سەردانی بەلژیکا دەکات و بڕیارە لە پەراوێزی کۆبوونەوەکەشدا لەگەڵ پاتریک شاناهان وەزیری بەرگریی ئەمریکا بە وەکالە دیدار و گفتوگۆ بکات.

وەزیری بەرگریی تورکیا ڕۆژی 13ی شوبات سەردانی باڵەخانەی ناتۆ دەکات و جگە لە دیدار لەگەڵ پارتیک شاناهان بڕیارە لەگەڵ وەزیری بەرگریی یۆنانیش دیدار بکات.

وەزیری بەرگریی تورکیا هەر لەو دانیشتنەدا دیداری دوو قۆڵیی لەگەڵ وەزیرانی بەرگریی ئیتاڵیا و فەڕەنسا و گورجستانیش دەبێت.