کوردپرێس:

حەشدی شەعبی ئەمڕۆ پێنجشەمە 7ی شوباتی 2019 لە تۆڕی کۆمەڵایەتیی تویتەر تویتێکی بڵاو کردەوە و ڕایگەیاند هێزی مووشەکیی فەوجی 45ی حەشد لە خۆرئاوای پارێزگای ئەنبار بنکەکانی تیرۆریستانی داعشی لە ناوچەی باغووزی سەر بە پارێزگای دەیرەزووری سووریا مووشەکباران کرد.

حەشدی شەعبی لە پەیامەکەی خۆیدا جەختیشی کردۆتەوە کە لە هێرشە مووشەکییەکەی بۆ سەر مۆڵگەکانی داعش لە خۆرهەڵاتی سووریا پشتی بە زانیاریی هەواڵگریی ورد بەستووە و بە پێی زانیارییەکان داعش مەبەستی بووە لەو ناوچەیەوە دزە بکاتە نێو خاکی عێراق.