کوردپرێس:

زانا ڕەحمان قائیمقامی قەزای پێنجوێن بەSNNی ڕاگەیاند، "ماوەیێک لەمەو بەر لەگەڵ لێپرسراوانی ئێران كۆ بوینەوەو ماوەی 15 ڕۆژمان دیاری كرد بۆ ئەوەی لەمەو دوا هاوڵاتیان بتوانن بەپاسپۆرتەوە لەمەرزی سەیرانبەن هاتۆچۆ بكەن، بەڵام ئێستا هەندێك ڕێگری دروست بووە".

لەبارەی ڕێگرییەكانیش، قائیمقامی پێنجوێن وتی:"ڕێگرییەكە پەیوەندی بەبونی (مۆر)ی تایبەت بەمەرزەكەوە هەیە، بۆیە ئێستا لەڕێگەی حكوومەتی هەرێمەوە داوا لەدەستەی دەروازە سنووریەكانی عیراق و وەزارەتی ناوخۆی عێراق دەكەین بە زووترین كات (مۆر)ی مەرزی سەیرانبەن دروست بكرێت".

ئاشكراشی كرد، "ئومێدمان هەیە لەماوەی 15 ڕۆژی داهاتودا هاتۆچۆكردن لەمەرزی سەیرانبەن بەپاسپۆرت دەست پێبكات بۆ كۆماری ئیسلامی ئێران".

ناوبراو ئەوەشی وت: "لەئێستادا بەشی نیشنگە و گومرگ و ڤێتێرنەریی و كرەنتینەی كشتوكاڵی لەمەرزی سەیرانبەن هەیە، لەكاتی كردنەوەشی بەشێوەیێكی ڕەسمی، سەرپەرشتیاری مەرزەكەش دیاری دەكرێت".

کۆدی هەواڵنێر: 60101