به‌پێی هه‌واڵی کوردپرێس، عرفان حه‌مه‌خان له کۆنفڕانسێکی ڕۆژنامه‌وانیدا ئاماژه‌ی به‌وه کرد که گرووپێکی تیرۆریستیی جیاواز له‌گه‌ڵ داعش له سنووره‌کانی جه‌له‌ولا و خانه‌قین سه‌ری هه‌ڵداوه و ڕای‌گه‌یاند: پێشتر گرووپی داعش ئۆپه‌راسیۆنه‌کانی له ده‌وروبه‌ری که‌رکووک و شاری دوزخورماتوو ئه‌نجام ده‌دا له حاڵێکدا که چالاکییه‌کانی ئه‌و گرووپه نوێیه به بۆنه‌ی لاوازبوونی ئه‌منی و جوگرافیای ناوچه‌که زیاتر به هاوکاریی چه‌کدارانی داعش له شاره‌کانی خانه‌قین و جه‌له‌ولا ئه‌نجام ده‌درێت.
ناوبراو زیادی کرد: گرووپی داعش هه‌ندێک حه‌شارگه‌یان له ده‌وروبه‌ری خانه‌قین و جه‌له‌ولا هه‌یه که چه‌کدارانی ئه‌و گرووپه نوێیه له ڕۆژدا خۆیان حه‌شار ده‌ده‌ن و له شه‌ودا چالاکیی تیرۆریستی ئه‌نجام ده‌ده‌ن و ئێستاکه ئه‌و گرووپه نوێیه له‌و حه‌شارگه‌یانه که‌ڵک وه‌رده‌گرێت.
عرفان حه‌مه‌خان زیادی کرد: هێزی پێشمه‌رگه پێش له پاشه‌کشی له ناوچه جێناکۆکه‌کان هێرشی کردبوووه سه‌ر حه‌شارگه‌کانی داعش له خانه‌قین و جه‌له‌ولا به‌ڵام ئێستاکه هیچ جۆره هێرشێک له‌لایه‌ن هێزی ئه‌منی و حه‌شدی شه‌عبییه‌وه دژ به‌و گرووپانه ئه‌نجام نادرێت.
سه‌رچاوه: هه‌واڵده‌ریی شه‌فه‌ق نیووز
کۆدی هه‌واڵنێر: 60103
Your Comment