کوردپرێس:
نووسینگەی راگەیاندنی سەرۆکایەتی کۆماری عێراق بڵاوی کردەوە، سه‌رۆك به‌رهه‌م ساڵح له دیدارەکەدا جه‌ختی له پێشخستنی په‌یوه‌ندییه دووقۆڵییه‌كانی عێراق و كه‌نەدا كرده‌وه، به‌جۆرێك كه خزمه‌تی به‌رژه‌وه‌ندییه هاوبه‌شه‌كان و بووژانه‌وه و بونیادنانه‌وه‌ی عێراق بكات.
سه‌رۆككۆماری عێراق باسی له پێویستیی وه‌به‌رهێنانی كۆمپانیا و سه‌رمایه‌گوزارانی كه‌نەدا و سوود وه‌رگرتن له شاره‌زایی له بواره‌كانی نه‌وت و پیشه‌سازی و كشتوكاڵ و فراوانكردنی ئاڵوگۆڕی زانستی و ڕۆشنبیری و ئه‌كادیمی له نێوان هه‌ردو وڵاتی دۆستدا كردوە.
جولی باییت، حاكمی گشتیی كه‌ندا دوپاتی پشتیوانی وڵاته‌كه‌ی بۆ گه‌لی عێراق و سه‌قامگیری و ئارامی و ئاوه‌دانكردنه‌وه‌ی شاره ئازادكراوه‌كان و ئاماده‌ییی حكوومه‌تی كه‌نەداشی بۆ به‌شداریكردن له پرۆسه‌ی بونیادنانه‌وه و وەبه‌رهێنان له عێراق له بواره‌كانی وزه و كشتوكاڵ و پیشه‌سازیدا كرده‌وه.
*لە خەندان وەرگیراوە
Your Comment