بەپێی هەواڵی کوردپرێس، ئه‌ندامانی ده‌سته‌ی كارگێڕیی لقی رێكخستنه‌كانی جۆڵه‌مێرگی هه‌ده‌په رایانگه‌یاند لێكۆڵینه‌وه‌یان له تۆماری ده‌نگده‌ران كردووه، ده‌ركه‌وتووه هه‌شت هه‌زار و 199 ده‌نگده‌ر كه خه‌ڵكی جۆڵه‌مێرگ نین و نیشته‌جێی نین و هیچ ناونیشانێكیشیان نییه، ناوه‌كانیان له تۆماری ده‌نگده‌ران هاتووه.
رێكخستنه‌كانی جۆڵه‌مێرگ ته‌واوی لیستی ناوه‌كانیان ده‌رهێناوه و داوایێكی یاساییان پێشكه‌شی دادگای كارگێڕی شاره‌كه كردووه بۆ ئه‌وه‌ی ئه‌م ناوانه له جۆڵه‌مێرگ بسڕێنه‌وه.
به‌پێی زانیارییه‌كانی هه‌ده‌په، له‌م ژماره‌یه‌دا چوار هه‌زار و 239 كه‌س ناویان له 31 گه‌ڕه‌ک وه‌ک ناونیشان ده‌ستنیشان كراوه، به‌ڵام له كاتی سه‌ردانی كردنیان و لێكۆڵینه‌وه‌یان له رێگه‌ی موختار و ئیداره‌ی خۆجێییه‌وه ده‌ركه‌وتووه ئه‌م ناوانه به‌هیچ شێوه‌یێک له‌م ناونیشانه‌دا بوونیان نه‌بووه.
هه‌ده‌په، ئاكپارتی و ده‌سته‌ی باڵای هه‌ڵبژاردنه‌كانی توركیا به‌ساخته‌كاری هه‌ڵبژاردن تۆمه‌تبار ده‌كات.
کۆدی هەواڵنێر: 60113
Your Comment