بەپێی هەواڵی کوردپرێس، میدیاکانی عێراق بڵاویان كردەوە: تۆپخانەی عێراق، چەكدارانی داعشی لە ناوچەی سوسەی لە دیوی سووریا تۆپباران كرد و بەگوێرەی زانیارییەكانیش 15 چەكداری رێكخراوەكە كوژراون.

ھاوكات، عەلی دەودەح، قائیمقامی شەرگات ھۆشداری لەبارەی گەڕانەوەی داعش دا و داوای كرد پرۆسەی ئەمنی لە ناوچەكەیان ئەنجام بدرێت.

هێزەکانی سووریای دیموکرات لە دیوی سووریا ئۆپەراسیۆن دژی داعش ئەنجام دەدەن، ئەمەش مەترسی ئەوەی دروست کردووە، ئەو چەکدارانەی داعش لە سووریا ماون جارێکی دیکە بۆ عێراق بکشێنەوە.

سوپای عێراق لە ماوەکانی رابردوو چەند جارێک هێرشی ئاسمانی بۆسەر چەکدارانی داعش لە سووریا ئەنجام داوە، بەڵام هێشتا مەترسی لەسەر زۆرێک لە ناوچە سنوورییەکان هەر هەیە.

سەرچاوە: K24

کۆدی هەواڵنێر: 60113