به‌پێی هه‌واڵی کوردپرێس، ئه‌مڕۆ یه‌کشه‌ممه‌ 23ی کانوونی یه‌که‌می 2018 سامر ئه‌لغه‌زبان وه‌زیری نه‌وتی عێراق له‌ به‌یاننامه‌یێكدا ئاشكرای كرد: په‌یوه‌ندییه‌كانی نێوان عێراق و وڵاتانی ئه‌ندام له‌ ڕێكخراوی ئۆپێک و ده‌ره‌وه‌ی ئۆپێک له‌ سه‌رجه‌م بواره‌ ئابووری و سیاسییه‌كان په‌ره‌ی سه‌ندوووه.

ناوبراو گوتیشی: ئێستا عێراق ڕۆڵێكی گرنگ ده‌بینێت بۆ ئه‌وه‌ی به‌ ھه‌ماھه‌نگی له‌گه‌ڵ وڵاتانی ئه‌ندام له‌ ڕێکخراوی ئۆپێک ئابووری وڵات پێش بخه‌ن ئه‌ویش له‌ ڕێگه‌ی به‌ره‌وپێشبردنی پڕۆژه‌ ھاوبه‌شه‌كانی نێوانیان و ئه‌و سیاسه‌ته‌ نوێیه‌ی كه‌ عێراق گرتوویه‌ته‌به‌ر و بۆ گه‌شه‌سه‌ندنی ئابووری سه‌ركه‌وتنی خێراتر تۆمار ده‌كات.

سه‌رچاوه‌: K24

کۆدی هه‌واڵنێر: 60103