به‌پێی هه‌واڵی کوردپرێس، ستیڤان دیمیستۆرا له کۆنگره‌یێکی ڕۆژنامه‌وانیدا باسی له‌وه کرد که ڕاپۆرتێک به‌رز ده‌کاته‌وه بۆ ئه‌نتۆنیۆ گۆتیرێش سکرتێری گشتیی نه‌ته‌وه یه‌کگرتوووه‌کان و ئه‌نجومه‌نی ئاسایشی نێوده‌وڵه‌تی و تیایدا ده‌یه‌وێت شوێنگره‌وه‌که‌ی جێر پیده‌رسن له 7ی مانگی یه‌کی ساڵی داهاتوووه‌وه کاره‌کانی ئه‌و ته‌واو بکات.
دیمیستۆرا گوتیشی: "ده‌بێت هه‌وڵی زیاتر بدرێت به‌ڵام بێگومان به‌و کارانه ده‌زانین که تا ئێستا کراون."
له‌لایێکی دیکه‌وه وه‌زیرانی ده‌ره‌وه‌ی ڕووسیا و ئێران و تورکیا ڕایان‌گه‌یاند که پێشبینی ئه‌وه ده‌که‌ن له سه‌ره‌تای ساڵی داهاتوووه‌وه لیژنه‌ی نوێی ده‌ستووری سووریا کۆ ببنه‌وه و ده‌ست بکه‌ن به پڕۆسه‌یێکی سیاسیی ئاشتی که بتوانرێت جێبه‌جێ بکرێت.
له به‌یاننامه‌یێکی هاوبه‌شدا که سێرگه‌ی لاڤرۆڤ وه‌زیری ده‌ره‌وه‌ی ڕووسیا خوێندییه‌وه، هه‌ر سێ وه‌زیره‌که ده‌ڵێن: ده‌بێت لیژنه نوێیه‌که درک به چاره‌سه‌ره نێوه‌نده‌کان و گفتوگۆی بنیادنه‌رانه بکات.
سه‌رچاوه: ڕۆیتێرز
کۆدی هه‌واڵنێر: 60103
Your Comment