به‌پێی هه‌واڵی کوردپرێس، نادیه موراد چالاکوانی مافی مرۆڤ و کچه كوردی ئێزیدی ڕزگاربووی ژێر ده‌ستی تیرۆریستانی داعش له توویتێکیدا که به زمانی ئینگلیزی له پێگه‌ی خۆی له تۆڕی کۆمه‌ڵایه‌تیی توویته‌ردا بڵاوی کردوووه‌ته‌وه ئاماژه‌ی بۆ ئه‌وه کردوووه که ئێواره‌ی ڕۆژی سێشه‌ممه 4ی کانوونی یه‌که‌می 2018 له دیدارێکیدا چاوی به ئه‌نگێلا مێرکل که‌وتوووه.
نادیه موراد ئاماژه‌ش بۆ ئه‌وه ده‌کات که له دیداره‌که‌یدا له‌گه‌ڵ ڕاوێژکاری ئه‌ڵمانیا باسیان له بارودۆخی ئێزیدییه‌كان کردوووه و داواشی کردوووه به مه‌به‌ستی پاراستنی ئێزیدییه‌كان و بنیادنانه‌وه‌ی ناوچه‌كانیان له شنگال و ده‌شتی نه‌ینه‌وا كه له‌لایه‌ن داعشه‌وه خاپوور كراون، ئه‌ڵمانیا هاوکاری ته‌واویان بکات.
له به‌شێکی قسه‌کانیدا نادیه موراد نووسیویه‌تی له‌گه‌ڵ ئه‌نگێلا مێرکل باسیان له زه‌رووره‌تی په‌سه‌ندكردنی مافی په‌نابه‌رێتیی ئێزیدییه‌كان كرد.
سه‌رچاوه: Kurdistan TV
کۆدی هه‌واڵنێر: 60103
Your Comment