به‌پێی هه‌واڵی کوردپرێس، ئه‌مڕۆ پێنجشه‌ممه 29ی تشرینی دووهه‌می 2018 ڕه‌جه‌ب ته‌ییب ئه‌ردۆغان سه‌ركۆماری توركیا به‌ر له به‌ڕێكه‌وتنی به‌ره‌و ئه‌رجه‌نتین به مه‌به‌ستی به‌شداری كردن له لووتكه‌ی سه‌ركرده‌كانی G-20 كه له بۆینس ئایریس پایتەختی ئه‌رجه‌نتین به‌ڕێوه ده‌چێت له فڕۆكه‌خانه‌ی ئه‌تاتورک كۆنگره‌یێكی ڕۆژنامه‌وانی ئه‌نجام دا.
ئه‌ردۆغان ئاشکرای کرد که له كۆبوونه‌وه‌ى سه‌ركرده‌كانى گرووپى 20 له‌گه‌ڵ دۆناڵد تره‌مپ كۆ ده‌بێته‌وه و له كۆبوونه‌وه‌ی له‌گه‌ڵ تره‌مپدا باسى ڕه‌وشى مه‌نبه‌ج ده‌کات.
سه‌رکۆماری تورکیا له‌باره‌ی سیسته‌می به‌رگریی مووشه‌کی S-400 ڕای‌گه‌یاند که له كۆتايیى 2019دا سيسته‌مى به‌رگریی مووشه‌كى S-400 به دراوى خۆمان ده‌كڕين.
سه‌ركۆماری توركیا ئاماژه‌ی به‌وه دا له میانی په‌یوه‌ندییه ته‌له‌فۆنییه‌كه‌ی له‌گه‌ڵ ڤلادیمیر پووتین سه‌رۆكی ڕووسیا تاوتوێی ڕه‌وشی ئیدلبیان كردوووه و گوتی: "هه‌فته‌ی ڕابردوو وه‌زیری به‌رگریمان و سه‌رۆكی میت له مۆسكۆ بوون و له‌وێ له‌گه‌ڵ لایه‌نه په‌یوه‌ندیداره‌كان له‌باره‌ی پرسه‌كانی ئه‌وێوه به تێروته‌سه‌لی دوان كه ده‌كرێت چی بكرێت له‌وێ. له‌باره‌ی ئه‌وانه‌وه دواین. به‌شێكی دیكه‌ی ئه‌م بابه‌ته مه‌نبه‌جه و خوا یار بێت له‌مباره‌یه‌وه له‌گه‌ڵ تره‌مپ له ئه‌رجه‌نتین كۆ ده‌بینه‌وه و به وردی له‌باره‌یه‌وه ده‌دوێن. له ڕێگای ته‌له‌فۆنه‌وه ده‌رفه‌تی ئه‌وه نه‌بوو بچینه ناو ورده‌كارییه‌كانی ئه‌م بابه‌ته."
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
Your Comment