بەپێی هەواڵی کوردپرێس، ئیرەج مەسجدی باڵیۆزی کۆماری ئیسلامیی ئێران لە عێراق لە گفتوگۆیەکی تایبەتدا لەگەڵ کەناڵی ئەلعالەم کە لەبارەی سەردانی سەردار قائانی بۆ عێراق ئەنجامی داوە، هەڵبژاردنەکانی پەرلەمانی عێراق و ناڕەزایی دەربڕین بە ئەنجامەکانی و هەروەها هێرش کردنە سەر ماڵی سەرۆک وەزیرانی عێراقی تاوتوێ کردووە کە لە درێژەدا بەشێکی دەخوێننەوە:

ئەلعالەم: ئامانجی سەردانەکەی سەردار قائانی لەم قۆناغە هەستیارەدا بۆ بەغدا چی بوو؟

مەسجدی: هەروەها کە دەزانن کۆماری ئیسلامیی ئێران هەمیشە لە قۆناغە هەستیارەکاندا پشتگیریی لە دەوڵەت و میللەتی عێراق کردووە و ئەمجارەش سەردار قائانی فەرماندەی هێزی سوپای قودس سەردانی عێراقی کرد و چەندین کۆبوونەوەی لەگەڵ بەرپرسانی عێراق و سەرۆک حزبەکان و هاوپەیمانییە سیاسییەکان ئەنجام دا.

ئامانجی ئەوان لەم سەردانەدا ڕاوێژکاری و یارمەتیدانە بە چارەسەر کردنی ئەو کێشانەی کە لەم قۆناغە هەستیارەدا بۆ عێراق دروست بووە. سەردار قائانی داوای ئارامی و دان بەخۆداگرتنی لە هەموو لایەنەکان کردووە پشتیوانیی کۆماری ئیسلامیی ئێرانی لە هەڵبژاردنەکانی عێراق و ئەنجامە کۆتاییەکانی ڕاگەیاندووە.

ئەلعالەم: لەبارەی هێرش کردنە سەر ماڵی مستەفا کازمی سەرۆک وەزیرانی عێراق ڕوانگەی کۆماری ئیسلامیی ئێران بە چ شێوەیەکە؛ لە کاتێکدا هەندێک لە لایەنەکانی ناڕازی بە ئەنجامی هەڵبژاردنەکان بەم هەڵمەتە تۆمەتبار کراون؟

مەسجدی: پرسێکی دیکە کە سەردار قائانی ئاوڕی لێدایەوە پرسی هێرشکردنەسەر ماڵی مستەفا کازمی بوو، سەردار قائانی لە دیدارەکانیاندا لەگەڵ سەرۆک وەزیرانی عێراق و دیکەی بەرپرسانی عێراق بەتوندی هێرشەکەیان سەرکۆنە کرد و کۆماری ئیسلامی ئێرانیش ئەو پرسە ئیدانە دەکات.

باسی دیکە ئەوە بوو کە جەختیان لە گرنگیی بەدواداچوون و تاوتوێ کردنی هەمە لایەنەی ئەم هێرشە بوو بۆ ئاشکرا کردنی ڕەهندەکانی ئەم بابەتە کە زۆر گرینگە و پرسێکی دیکە سزادانی بکەران و ئەنجامدەرانی هێرشەکەیە بەپێی یاسای بنەڕەتیی عێراق.

ئەلعالەم: ئایا کۆماری ئیسلامیی ئێران لەمبارەوە هێڵی سووری هەیە:

مەسجدی: هیچ هێڵێکی سوورمان لەمبارەوە نییە هەر کەس تاوەنبارە دەبێت بەگوێرەی یاسا مامەڵەی لەگەڵدا بکرێت و کۆماری ئیسلامیی ئێران پشتگیریی تەواوی خۆی بۆ ئەم بابەتە ڕادەگەیەنێت.