بەپێی هەواڵی کوردپرێس، له‌پاش كۆبونه‌وه‌كه‌ش، له پرێس كۆنفرانسێكی هاوبه‌شدا هادی عامری وتی: "كۆبونه‌وه‌مان له‌گه‌ڵ مەسعوود بارزانی گرنگ بوو، هه‌وڵی تێپه‌ڕاندنی دۆخی رابردووش ده‌ده‌ین و سوورین له‌سه‌ر بنیاتنانی عێراقی تازه".
سەرۆکی هاوپەیمانیی فەتح وتیشی: "پێویسته كێشه‌كان برایانه چاره‌سه‌ر بكه‌ین".
له‌لایه‌ن خۆیه‌وه مه‌سعوود بارزانی ڕایگەیاند: "سه‌ردانم بۆ به‌غدا بۆ پشتیوانی كردنه له حكوومه‌تی نوێی عێراق و په‌یوه‌ندییێكی به‌هێز له‌نێوان هه‌ولێر و به‌غدا دروست ده‌كه‌ین".
پێش ئه‌و كۆبونه‌وه‌یه‌ش مه‌سعوود بارزانى و عادل عه‌بدولمه‌هدی سه‌رۆک وه‌زیرانی عیراق له باڵه‌خانه‌ی ئه‌نجومه‌نی وه‌زیران له به‌غدا كۆبونه‌وه‌وه و له‌میانی دیداره‌كه‌یاندا، سه‌رۆكی پارتی له‌وته‌یێكدا بۆ رۆژنامه‌نووسان جه‌ختی كرده‌وه: "عادل عه‌بدولمه‌هدى هاوڕێیه‌كى كۆنه و وه‌رگرتنى پۆستى سه‌رۆک وه‌زیرانیش له‌لایه‌ن ئه‌وه‌وه مژده‌یێكى خێر بوو".
سەرچاوە: ڕادیۆ نەوا
کۆدی هەواڵنێر: 60113
Your Comment