به‌پێی هه‌واڵی کوردپرێس، نه‌وزاد ئه‌دھه‌م به ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "دوای سه‌ردانی شاندی به‌غدا بۆ ھه‌رێمی كوردستان، كه ڕۆژی دووشه‌ممه بوو، له‌گه‌ڵ ھه‌رێمی كوردستاندا رێككه‌وتنێكی ٢٨ خاڵییان سه‌باره‌ت به ڕێنمایییه‌كانی ھاورده و ناردن و پێناسه‌ی ڕه‌سمیی گومرگی و لادانانی خاڵه گومرگه نایاسایییه‌كان واژۆ كردوووه بۆیه له دوای واژۆكردنی ڕێككه‌وتنه‌كه پێویسته ده‌ست به جێبه‌جێ كردنی بكرێت و ڕێنماییی پێویستی بۆ ده‌ربكرێت."
ئه‌دھه‌م گوتیشی: به‌پێی ئه‌و ڕێككه‌وتنه پێویسته ده‌ست به لادانی خاڵه گومرگییه نایاسایییه‌كان بكرێت چوونكه له ھه‌موو عێراق و ھه‌رێمی كوردستاندا یه‌ک جۆره گومرگ وه‌رگرتن ده‌بێت بۆ نموونه ئه‌گه‌ر له مادده‌یێک ١٥% گومرگی لێ وه‌رگیرا، وه‌ک ئه‌وه‌ی عێراق، ئه‌و كات ھیچ پێویست ناكات به‌غدا له ڕێگه‌ی نایاسایییه‌وه جارێكی دیكه گومرگی لێ وه‌رگرێت."
حكوومه‌تی عێراق چه‌ندین خاڵی گومرگی نایاسایی له نێوان ھه‌رێم و عێراقدا داناوه له‌وانه خاڵی گومرگیی نێوان مووسڵ و دھۆک و ھه‌ولێر و كه‌ركووک و سلێمانی.
کۆدی هه‌واڵنێر: 60103
Your Comment