کوردپرێس:
سه‌فین دزه‌یی وته‌بێژی فه‌رمیی حكوومه‌تی هه‌رێمی كوردستان، به‌بۆنه‌ی له‌دایك بوونی پێغه‌مبه‌ری ئیسلام حه‌زره‌تی محه‌مه‌د(د.خ) په‌یامێكی پیرۆزبایی بڵاو ده‌كاتەوە و ده‌شڵێت "ڕۆژی 20ی11ی2018 له‌سه‌رجه‌م دام و ده‌زگاكانی حكوومه‌تی هه‌رێمی كوردستان ده‌بێته پشووی فه‌رمی".
وته‌بێژی حكوومه‌تی هه‌رێمی كوردستان، له‌و په‌یامه‌یدا رایده‌گه‌یه‌نێت: به بۆنه‌ی له‌دایك بوونی پێغه‌مبه‌ری ئیسلام حه‌زره‌تی محه‌مه‌د (دروودی خوای لێ بێت)، پیرۆزباییێكی گه‌رم له هه‌موو موسڵمانانی كوردستان و عێراق و جیهان ده‌كه‌ین هیوادارین ئه‌م یاده ببێته مایه‌ی خۆشگه‌زه‌رانی و سه‌قامگیری و ده‌رچوون له گرفت و قه‌یرانه‌كان.
وته‌بێژی حكوومه‌ت، ده‌شڵێت: به‌م بۆنه‌یه‌شه‌وه به هاووڵاتیانی خۆشه‌ویستی هه‌رێمی كوردستان ڕاده‌گه‌یه‌نین ڕۆژی سێشه‌ممه 20ی11ی2018 له سه‌رجه‌م دام و ده‌زگاكانی حكوومه‌تی هه‌رێمی كوردستان ده‌بێته پشووی فه‌رمی.
Your Comment