به‌پێی هه‌واڵی کوردپرێس، جاسم موحان په‌رله‌مانتاری ڕه‌وتی حیکمه‌ی نیشتمانی به سه‌رۆکایه‌تیی عه‌ممار حه‌کیم به هه‌واڵده‌ریی مه‌علوومه‌ی ڕاگه‌یاند: له چه‌ند ڕۆژی داهاتوودا عادل عه‌بدولمه‌هدی سه‌رۆکوه‌زیرانی نوێی عێراق سه‌ردانی هه‌ریه‌ک له وڵاتانی فه‌ڕه‌نسا و ئه‌مه‌ریکا بکات.
ناوبراو گوتیشی: چاوه‌ڕوان ده‌کرێت عادل عه‌بدولمه‌هدی و دۆناڵد تره‌مپ سه‌رۆکی ئه‌مه‌ریکا له‌باره‌ی سزاکانی سه‌ر ئێران و ده‌رهێنانی عێراق له سزاکان کۆ ببنه‌وه.
جاسم موحان ڕاشی‌گه‌یاند: پێبه‌ندیی عێراق به گه‌مارۆکانی ئه‌مریکا بۆ سه‌ر ئێران، ئابووری عێراق به‌ره‌وڕووی مه‌ترسییێکی گه‌وره ده‌کاته‌وه که کارتێکه‌ریی ده‌بێت له‌سه‌ر ئاڵوگۆڕی بازرگانیی ئه‌و وڵاته که ساڵانه زیاتر له 16 ملیار دۆلاره.
کۆدی هه‌واڵنێر: 60103
Your Comment