کوردپرێس:
مزاحم حوویەت وتەبێژی عەشیرە عەرەبەکانی ناوچە جێناکۆکەکان لەو بارەیەوە وتوویەتی ڕاکان جبووری پارێزگاری بەوەکالەتی کەرکووک ئەندامی شانەی نووستووی داعشە لە ماوەی چەند ساڵی ڕابردوودا بە نازناوی "ابوخدیجە" هاوکاریی تیرۆریستانی داعشی کردووە.
حووییەت زیادی کرد: ڕاکان جبووری 1600 پارچە عەرزەی لە پارێزگای کەرکووک داوە بە میلیشیاکانی حەشدی شەعبی و خۆبەخشە عەرەبەکانی دیکەی پارێزگاکانی عێراق لە کەرکووک و ئەوەش دەلالەتە لە سەر داگیرکردنی پارێزگای کەرکووک و ناوچە جێناکۆکەکان.
وتەبێژی عەشیرە عەرەبەکانی ناوچە جێناکۆکەکان گوتیشی: " ئێمە وەکوو عەشیرە عەرەبەکانی پارێزگای کەرکووک و ناوچەی جێناکۆک ئەو ئاکارانەی جبووری بە تەعریب کردن دەزانین و دیارە ناوبراو ئامانجی ئەوەیە پارێزگای کەرکووک بە عەرەب بکات و ئاگری فیتنە لە نێوان لایەنە جۆربەجۆرەکان بەتایبەت عەرەب و کورددا خۆش بکات.
کۆدی هەواڵنێر: 60101
Your Comment