کوردپرێس:

میدحەت سنجار هاوسەرۆکی پارتی دیموکراتیکی گەلانی تورکیا لە وەڵامی وتەکانی مراڵ ئاکشنەری سەرۆکی ئیی پارتدا دەڵێت گوتاری ئاکشنەر هەمان گوتاری دەسەڵات و حکوومەتە و ئەوەش نیشانەی داماوی و بێدەسەڵاتیی ئەوانە.

سەرۆکی ئیی پارت لە لێدوانێکیدا گوتبووی هەدەپە یەکسانە لەگەڵ پارتی کریکارانی تورکیا (پەکەکە)، هاوسەرۆکی هەدەپەش لە وەڵامی ئەو وتەیەدا لە دانیشتنێکی فراکسیۆنی هەدەپە لە پەرلەمانی تورکیا گوتی: هەدەپە ڕاست لە نێو دڵی خەڵکدایە و لەو شوێنەیە کە ژیانی یەکسان و ئایندەی دیموکراتیک و ئازادیی لێیە.