به‌پێی هه‌واڵی کوردپرێس، سه‌ڵاحه‌دین ده‌میرتاش له زیندانه‌وه په‌یامێكی به زمانی كوردی بڵاو كرده‌وه و ده‌ستخۆشی له 9 پارته‌كه‌ی تورکیا كردوووه ده‌رباره‌ی دروست كردنی پلاتفۆڕمی هاوبه‌شی زمانی كوردی و له‌وباره‌یه‌شه‌وه ده‌ڵێت: "زۆر شادمان بووم به بڕیاری پێكه‌وه كاركردنی پارته كوردییه‌كان ده‌رباره‌ی زمانی دایكمان، بۆ ئه‌وه‌ی زمانی كوردی له بواری په‌روه‌رده‌یی، ئابووری، ژیانی جڤاكی و سیاسیدا به‌كار بهێنرێت، بۆ ئه‌وه‌ی ئازادانه و به بێ ئاسته‌نگی بچێته نێو هه‌موو بواره‌كانی ژیان، هه‌ر خه‌باتێک كه ئێوه له‌م بابه‌ته‌دا بیكه‌ن به دڵ و گیان پشتگیری ده‌كه‌م".
سه‌ڵاحه‌دین ده‌میرتاش هیواداره ئه‌و هه‌ڵوێسته یه‌كگرتوووه ببێته هه‌نگاوێک بۆ خه‌بات له زۆر بواری دیكه‌دا و ده‌شڵێت: "له‌لایه‌ن خۆمه‌وه له زینداندا به گیانێكی گه‌وره‌وه به‌رده‌وامم له‌سه‌ر خه‌باتی زمانی كوردی."
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment