به‌پێی هه‌واڵی کوردپرێس، دانا جه‌زا په‌رله‌مانتاری پارتی له ئه‌نجومه‌نی نوێنه‌رانی عێراق ڕه‌تیكرده‌وه كورد له به‌ده‌ستهێنانی وه‌زاره‌تی‌تر له حكوومه‌تی عێراق سارد بووبێته‌وه و ڕای‌گه‌یاند: پێشتر قسه له‌سه‌ر پۆسته‌كانی كورد له حكوومه‌ته‌كه‌ی عادل عه‌بدولمه‌هدی كراوه و تا ڕاده‌یێكی زۆریش پۆستی وه‌زاره‌تی كۆچ و كۆچبه‌ران بۆ كورد یه‌كلایی بۆته‌وه و ئێمه داوای وه‌زاره‌تی چواره‌میش ده‌كه‌ین.
ناوبراو ڕاشی‌گه‌یاند که تا ئێستا عادل عه‌بدولمه‌هدی له‌سه‌ر داواكاریی كورد بۆ وه‌رگرتنی وه‌زاره‌تی چواره‌م بڕیاری نه‌داوه.
له‌باره‌ی ئه‌وه‌ی وه‌زاره‌تی سێیه‌م و چواره‌م ده‌درێن به چ لایه‌نێک ئه‌و په‌رله‌مانتاره‌ی پارتی وتی: "هه‌رچه‌نده تا ئێستا یه‌كلا نه‌بۆته‌وه كه وه‌زاره‌تی كۆچ و كۆچبه‌ران ده‌درێت به پارتی یان یه‌كێتی به‌ڵام به‌پێی خاڵبه‌ندی بێت بۆ پارتییه و ئه‌گه‌ر پشكی كوردیش بكرێت به چوار وه‌زاره‌ت، ئه‌وه به‌ر یه‌كێتی ده‌كه‌وێت".
دانا جه‌زا ئه‌وه‌شی راگه‌یاند که پێشتر نه‌وزاد هادی پارێزگاری هه‌ولێر كاندید بوو بۆ پۆستی وه‌زیری كۆچ و كۆچبه‌ران به‌ڵام ئێستا نازانرێت.
سه‌رچاوه: تۆڕی هه‌واڵی سلێمانی (SNN)
کۆدی هه‌واڵنێر: 60103
Your Comment