بەپێی هەواڵی کوردپرێس، حاكم زاملی سه‌ركرده له‌ڕه‌وتی سه‌در و سه‌رۆكی پێشووی لیژنه‌ی ئاسایش و به‌رگری له په‌رله‌مانی عێراق له لێدوانێكی ڕۆژنامه‌وانیدا ڕایگه‌یاند: به‌گوێره‌ی زانیارییه هه‌واڵگرییه‌كان داعش خۆی بۆ هێرش كردنه‌وه سه‌ر عێراق ڕێک ده‌خاته‌وه، به‌تایبه‌ت له بیابانه‌كانی خۆرئاوای هاوسنوور له‌گه‌ڵ سووریا و له‌و شوێنانه‌ی هێزه‌كانی سووریای دیموكرات لێی كشانه‌وه.
حاكم زاملی ڕاشیگه‌یاند، "له ژێر چاودێری ئه‌مریكا و به ئاگاداریی ئه‌و هێزه‌كانی ئه‌و وڵاته، داعش خۆی ڕێک ده‌خاته‌وه".
له‌باره‌ی جموجوڵه‌كانی داعشه‌وه زاملی پێی وایه، "هاوشێوه‌ی 2014 كه داعش هێرشی كرده سه‌ر مووسڵ، ئێستا چه‌كدارانی ئه‌و گرووپه ده‌ستیان به جموجوڵی نائاسایی له به‌عاج و باشووری خۆرئاوای مووسڵ كردووه".
کۆدی هەواڵنێر: 60113
Your Comment