به‌پێی هه‌واڵی کوردپرێس، به‌در زیادی له کۆنفڕانسێکی ڕۆژنامه‌وانیدا ئاماژه به‌وه ده‌کات که هاوپه‌یمانیی سائیروون ناڕازییه به به‌ربژێریی فالح فه‌یاز بۆ وه‌زاره‌تی ناوخۆی عێراق و ڕای‌ده‌گه‌یێنێت: ئه‌و هاوپه‌یمانییه خوازیاری وه‌رگرتنی وه‌زاره‌تی ناوخۆی عێراق له‌لایه‌ن که‌سێکی سه‌ربه‌خۆ و تێکنۆکراته.
ناوبراو جه‌خت له‌وه ده‌کاته‌وه که پێویسته که‌سێکی دیکه به جێگه‌ی فالح فه‌یاز بۆ ئه‌و وه‌زاره‌تخانه‌یه کاندید بکرێت و ده‌شڵێت: ئه‌گه‌ر فه‌یاز له کۆبوونه‌وه‌ی داهاتووی ئه‌نجومه‌نی نوێنه‌ران ده‌نگی متمانه وه‌ربگرێت هاوپه‌یمانیی سائیروون ناڕازی نابێت چوونکه ئامانجی ئه‌و هاوپه‌یمانییه سه‌ربه‌خۆ و ناحیزبی بوونی دوو وه‌زاره‌تخانه‌ی ناوخۆ و به‌رگریی عێراقه.
سه‌رچاوه: ماڵپه‌ڕی "المسله"
کۆدی هه‌واڵنێر: 60103
Your Comment