کوردپرێس:

فەرمانگەی راگەیاندنی پەرلەمانی عێراق لە بەیاننامەیێکدا ئاشکرای کرد، دانیشتنی رۆژی چوارشەممەی پەرلەمان، بەمەبەستی دەنگدان لەسەر کابینە وەزارییەکەی عادل عەبدولمەهدی کاژێر 8ی ئێوارە بەڕێوە دەچێت.

میدیای فەرمیی حکوومەتی عێراق بڵاوی کردەوە، عادل عەبدولمەهدی، سەرۆکوەزیرانی راسپێردراو بۆ پێکهێنانی کابینەی حکوومەت، کاژێر 6ی ئێوارەی رۆژی چوارشەممە 24-10-2018 کابینە وەزارییەکەی دەخاتە بەردەم پەرلەمان بۆ ئەوەی لە دانیشتنەکەدا دەنگی لەسەر بدرێت.

رۆژی 2-10-2018 عادل عەبدولمەهدی بۆ پێکهێنانی کابینەی نوێی حکوومەت راسپێردرا، پێویستە تاوەکوو 2-11-2018 ناوی کابینەکەی بخاتە بەردەم پەرلەمان بۆ ئەوەی دەنگی لەسەر بدرێت، ئەگەرنا بەپێی دەستوور وادەی یاسایی بۆ پێکهێنانی حکوومەت کۆتایی دێت و دەبێ سەرۆککۆمار کەسێکی دیکە بۆ پێکهێنانی حکوومەت رابسپێرێت.

*لە تۆڕی میدیاییی ڕووداو وەرگیراوە