به‌پێی هه‌واڵی کوردپرێس، په‌روین بۆڵدان هاوسه‌رۆکی گشتیی هه‌ده‌په له وتارێکدا له‌گه‌ڵ فراکسیۆنی پارته‌که‌ی وتی: "ئه‌گه‌ری چاره‌سه‌ری قه‌یرانی سیاسی و ئابووری له تورکیا لابردنی گۆشه‌گیریی سه‌ر عه‌بدوڵڵا ئۆجه‌لان سه‌رۆکی په‌که‌که‌یه له دوورگه‌ی ئیمراڵی."
بۆڵدان گوتیشی: "پێش سێ ساڵ پرۆسه‌ی ئاشتی و دانووستان له نێوان په‌که‌که و حکوومه‌تی تورکیادا هه‌بوو و شانده سیاسییه‌کان چاویان به ئۆجه‌لان ده‌که‌وت ئه‌وکات وڵات له‌ناو ئاستی و ئارامیدا بوو."
ناوبراو جه‌ختى له‌وه‌ش کرده‌وه که ئۆجه‌لان سازشى له ئاشتی نه‌کرد و بۆ دیموکراتی بوونی تورکیا تێکۆشانی ده‌کرد به‌ڵام ئاکه‌په کۆتایی به دانووستان و چاوپێکه‌وتنه‌کان هێنا و له ساڵی 2015وه تا ئێستا گۆشه‌گیریی سه‌ر ئۆجه‌لان به‌رده‌وامه.
سه‌رچاوه: خه‌ندان
کۆدی هه‌واڵنێر: 60103
Your Comment