بەپێی هەواڵی کوردپرێس، فیگه‌ن یوكسه‌كداغ هاوسه‌رۆكی پێشووی هه‌ده‌په له دانیشتنه‌كه‌دا ئاماژەی بەوەکرد كه له توركیا قه‌یرانێكی سیاسی هه‌یه و له ناویشیدا قه‌یرانێكی دادپه‌روه‌ری هه‌یه و وتی: "ئه‌گه‌ر قه‌یرانه‌كه به‌م شێوه‌یه به‌رده‌وام بێت، قه‌یرانی دادپه‌روه‌ریش قووڵتر ده‌بێت، ده‌بێته هۆكاری ناكۆكی كۆمه‌ڵایه‌تی و هه‌زاران مرۆڤ زیانمه‌ندی قه‌یرانی سیاسین.
یوكسه‌كداغ هەروەها ئەوەشی خستەڕوو "ئێمه ده‌مانه‌وێت ببینه ده‌نگی مێژوو و ڕاستییه‌كان، هه‌ر كه ڕاستی داپۆشرا، ده‌بێ هه‌ندێک هه‌بن كه ئه‌م ڕاستییه ده‌رخه‌ن و خاوه‌نداره‌تی لێ بكه‌ن. ئێمه ڕووبه‌ڕووی بێ مافییێكی گه‌وره بووینه‌ته‌وه، به‌ڵام هیچ كاتێک له به‌رانبه‌ر زوڵم سه‌ری خۆمان دانه‌نه‌واندووه و هه‌نگاومان به‌ره‌و دواوه نه‌ناوه.
هاوسه‌رۆكی پێشووی هه‌ده‌په جەختی لەوەش کردەوە کە ئەو ڕێگه‌یه‌ی ئێمه هه‌نگاوی پێدا ده‌نێین، به‌رخۆدانی دیموكراتیكه، هه‌تا ئێستا به‌سه‌ربه‌رزی و ئیراده‌ی خۆم به‌شداری هه‌موو خه‌باته‌كان بووم".
کۆدی هەواڵنێر: 60113
Your Comment