به‌پێی هه‌واڵی کوردپرێس، نووسینگه‌ی حه‌یده‌ر عه‌بادی سه‌رۆک وه‌زیرانی عێراق له به‌یاننامه‌یێکدا بڵاوی کرده‌وه که ڕۆژی یه‌کشه‌ممه 23ی ئه‌یلوول حه‌یده‌ر عه‌بادی پێشوازی کردوووه له تۆماس بارایس بریکاری وه‌زیری کاروباری ئابووری و وزه‌ی ئه‌ڵمانیا.
له به‌یاننامه‌که‌دا ئاماژه به‌وه کراوه که له‌و دیداره گفتوگۆ کراوه ده‌رباره‌ی پشتیوانی کردنی کۆمپانیا ئه‌ڵمانیایییه‌کان له عێراق و ڕه‌خساندنی هه‌لی کار و وه‌به‌رهێنان.
له دیداره‌که‌دا چۆنێتیی هاریکاری کردنی ئه‌ڵمانیا بۆ که‌رته‌کانی وزه و فێرکردن و ته‌ندروستی و کردنه‌وه‌ی سه‌نته‌ری ڕاهێنان و ڕه‌خساندنی هه‌لی کار له عێراقدا خراوه‌ته به‌ر باس و لێکدانه‌وه.
وه‌ک له به‌یاننامه‌که‌ی نووسینگه‌ی عه‌بایدا هاتوووه: شاندی حکوومه‌تی ئه‌ڵمانیا ئاماده‌ییی خۆیان ده‌ربڕیوه بۆ هاریکاری کردنی عێراق له سه‌رجه‌م بواره‌کان و ئاماده‌باشی کۆمپانیا ئه‌ڵمانییه‌کان بۆ کارکردن و وه‌به‌رهێنان له عێراقدا.
له ماوه‌ی سێ ساڵی شه‌ڕی داعش حکوومه‌تی ئه‌ڵمانیا یه‌کێک بوووه له‌و وڵاتانه‌ی که هاوکاریی عێراق و هه‌رێمی کوردستانی کردوووه له ڕووی سه‌ربازی و لۆجستییه‌وه و پێشتریش کۆمپانیا ئه‌ڵمانییه‌کان له عێراقدا جێگه‌ده‌ستیان دیار بوووه له بواره‌کانی کاره‌با و ڕێگاوبان و ڕاهێنانی پیشه‌ییی چه‌ندین بواری دیکه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment