به‌پێی هه‌واڵی کوردپرێس، ماڵپه‌ری فه‌رمیی ئه‌نجومه‌نی نوێنه‌رانی عێراق له هه‌واڵێکدا ڕای‌گه‌یاندوووه که ڕۆژی یه‌کشه‌ممه 23ی ئه‌یلوول بن عه‌لی یه‌ڵدرم په‌یوه‌ندییه‌کی ته‌له‌فۆنی له‌گه‌ڵ حه‌لبوسی ئه‌نجام داوه و تیایدا سه‌رۆکی په‌رله‌مانی تورکیا پیرۆزباییی خۆی له ھه‌ڵبژاردنی حه‌لبوسی کردوووه.
له میانی په‌یوه‌ندییه ته‌له‌فۆنییه‌که‌دا چۆنێتیی پته‌وترکردنی په‌یوه‌ندییه دووقۆڵییه‌کانی نێوان ھه‌ر دوو وڵات و پێوستی ڕێزگرتنی سه‌روه‌ری و پابه‌ندبوون به پرنسیپه‌کانی دراوسێیه‌تی ھاوبه‌ش تاوتوێ کراوه.
ھه‌روه‌ھا حه‌لبوسی داوای له بن عه‌لی یه‌ڵدرم کردوووه ڕۆڵێکی ئیجابی ببینێت بۆ دۆزینه‌وه‌ی چاره‌سه‌رێکی به‌په‌له و دادپه‌روه‌رانه بۆ کێشه‌ی ئاو و ده‌رئه‌نجامه‌کانی به‌سه‌ر سه‌رانسه‌ری عێراقدا به‌تایبه‌تی پارێزگای به‌سره.
له کۆتاییی په‌یوه‌ندییه ته‌له‌فۆنییه‌که‌دا بن عه‌لی یه‌ڵدرم به فه‌رمی بانگھێشتی حه‌لبوسی کردوووه سه‌ردانی تورکیا بکات.
سه‌رچاوه: خه‌ندان
کۆدی هه‌واڵنێر: 60103
Your Comment