کوردپرێس: بەگوێرەی هەواڵێکی رۆژنامەی واشنتن پۆست، ئەو 102 کەسە کە چەند ئەفسەرێکی سەربازییان تێدایە، تۆمەتی ئەندام بوون لە رێکخراوەکانی فەتحوڵا گیولەنیشیان دراوەتە پاڵ.

لای خۆیەوە ئاژانسی ئەنادۆڵ ئاشکرای کردووە، 56 لەو 102 کەسە تاکوو ئێستا دەستگیر کراون. هەندێک لەو تۆمەتبارانە بەرپرسیارەتیی جیاوازی سەربازییان هەیە کە پێک هاتوون لە 13 ئەفسەری باڵا، 71 سەرباز و 18 ئەندامی نهێنیی بزووتنەوەکەی گیولەن.

تاکوو ئێستا، بەتۆمەتی بەشداری لە "کودەتاکەی" ساڵی 2016ی تورکیا، 77 هەزار کەس لە تورکیا دەستگیر کراون و 130 هەزاری دیکەش لە کارەکانیان دوور خراونەتەوە.

پێشتریش فەتحوڵا گیولەن رەتی کردبووەوە کە دەستی هەبووبێت لە کودەتاکەی دژ بە رەجەب تەیب ئەردۆغان.

کۆدی هەواڵنێر: 60113